O noso centro, dende o curso pasado está participando no proxecto CORALS, en colaboración co Grupo de Nutrición Pediátrica do Complexo Hospitalario Universitario de Santiago de Compostela.
O progama CORALS, en inglés (Childhood Obesity Risk Assessment Longitudinal Study), é un estudo dirixido ao alumnado infantil (de 3 a 6 anos), polo que o centro educativo colaborará durante un período de 10 anos na identificación dos factores de risco da obesidade nos máis pequenos.
Cada curso realizarase un seguimento anual, a través da elaboración de cuestionarios sobre a actividade e a alimentación, tendo en conta tamén a recollida de mostras.
Este estudo determinará a incidencia da obesidade en función da exposición a diferentes factores de risco (alimentación, fraccionamento das comidas, actividade física, sedentarismo, patrón de sono...).
O seu obxectivo principal é identificar os factores de risco da obesidade infantil así como cuantificar o risco de cada un deles.
Desta maneira, un equipo de persoal acudiu ao noso centro, para medir, pesar e realizar probas de esforzo e contorno abdominal aos nenos e nenas que participan no proxecto.
Ningún comentario:
Publicar un comentario