BENVID@S!!

Dámosvos a benvida á nova canle de comunicación que temos dende o CEIP Santa María do Castro. Aquí iranse publicando periódicamente as actividades que se leven a cabo no cole ou traballos que fagan as rapazas e rapaces..

UN BLOG FAISE COS TEUS COMENTARIOS! 

Así que aquí esperamos que comentedes moitas das entradas, e que se botades algo de menos non teñades ningún reparo en propoñelo. Un saúdo!

PROXECTO "VILA AMIZADE". 2º DE PRIMARIA

Como parte final do proxecto desenvolvido na aula de 2º de primaria "Vila Amizade" construimos a vila e introducímonos na programación facendo uso dun "escornabot".

PROTECCIÓN DE DATOS

Debido á entrada en vigor do novo protocolo de protección de datos da Consellería de Educación e ordenación universitaria vémonos na obriga, dende o centro, de deixar de publicar fotos, videos e audios do alumnado fóra do soporte da páxina web do centro.
Por iso mesmo, a partir de agora faremos publicacións puntuais de carácter informativo a través deste blogue pero sen mostrar imaxes, sons ou videos do noso alumnado.
Seguiremos utilizando as redes sociais do centro (facebook, twitter e instragram) seguindo as normas legais establecidas no protocolo.
Deixámosvos aquí un enlace por se queredes botarlle un vistazo.

Protocolo

O APALPADOR

O apalpador veu polo cole e trouxonos uns regalos estupendos para todas as clases, tanto de infantil como de primaria. Debe ser que nos portamos ben.
Esta actividade está enmarcada no proxecto levado a cabo este curso polo equipo de Dinamización da lingua galega do centro.

 

PROXECTO E-DIXGAL

Este curso o alumnado de 5º de primaria vai dispor de portátiles para traballar tanto no centro como na casa contidos dixitais.
Estamos organizando todo para que sexa a mellor experiencia de todas.
Aquí vos deixamos un video explicativo. Seguiremos informando.

21 DE XUÑO. FIN DE CURSO

O curso chega ao seu fin. OHHHHH!!!
Hoxe foi un día cheo de emocións: graduación de 6º curso, despedida de Paula e Marisol e por suposto a MÍTICA festa da espuma.

 Aquí vos deixamos un enlace con todas as fotos da festa para que as vexades e engadir as que vos queirades.
FOTOS

BO VERÁN E VÉMONOS EN SETEMBRO!!!

GRADUACIÓN DE 6º CURSO. PROMOCIÓN 10-19

O último día de cole, o venres 21 tivemos un momento especial no cole. Celebramos a graduación do alumnado de sexto que se marcha para o instituto.
Foi un momento moi emotivo, cheo de emocións!!!
Aquí vos deixamos unhas fotos do momento e o video que se proxectou. Tivemos uns pequenos problemas técnicos e por eso vos deixamos enlace a 2 carpetas coas fotos que aparecen no video por se queredes descargalas.

CARPETA de FOTOS

RESUMO TRIMESTRAL. 3º TRIMESTRE

No seguinte video podedes disfrutar de todas as actividades levadas a cabo neste terceiro trimestre que remata. Xunto cos outros dous videos (dos outros trimestres) podemos dicir que o cole de Cabo é un cole moi activo que lle gusta facer moitas cousas diversas.


Disfrutade do verán e vémonos á volta!!! Tendes un ENLACE para ver unha carpeta con fotos de todo este curso 18-19 que xa remata.

GRADUACIÓN DE INFANTIL DE 5 ANOS

O venres 14 de xuño celebramos no centro a graduación do alumnado de 5 anos, que se fai maior e pasa para primaria. Momentos emotivos que nos fixo recordar o rápido que pasa o tempo.

Aquí tendes o video emotivo do paso por infantil de alumnado de 6º de  infantil.

10 ó 13 DE XUÑO. SEMANA CULTURAL

Esta semana celebramos a Semana Cultural con multitude de actividades relacionadas coas tradicións e romerías galegas.

O luns inauguramos o castro do cole e a APA Loureda preparou uns xogos tradicionais moi entretidos. 

O martes o equipo de dinamización da lingua galega do centro fixo uns xogos nas distintas idades da historia: antiga, media, moderna, etc.

O mércores fixemos unha excursión a San Ramón de Bealo onde se celebra unha romería de máis de 200 anos de antigüidade. Coñecemos o funcionamento dun muiño de río e descubrimos uns petróglifos que hai pola zona gracias á axuda do arqueólogo Julián.

O xoves disfrutamos da charla de María Jesús Hermo sobre herbas silvestres, aprendemos moitas cousas coas exposicións de 1º e 3º sobre as estacións e sobre os ecosistemas e  pasámolo moi ben facendo xogos da natureza polo patio do centro.

Pinchando na foto de abaixo poderás ver todas as fotos das actividades porque vale máis unha imaxe que mil palabras.

EXCURSIÓN A VIGO. INFANTIL, 1º e 2º

O mércores 29 o alumnado de infantil, primeiro e segundo foron de visita a Vigo, a Naturnova: viaxaron en submarino, clasificaron lixo nun bosque simulado, aprenderon sobre o sistema solar, debuxaron e buscaron imaxes en cadros e disfrutaron no parque de Castrelos.
Que día máis completo!!!

AQUI  deixamos varias fotos para que as disfrutedes.

15 DE MAIO. DÍA DAS LETRAS E XANTAR DE CONVIVENCIA

Como todos os anos o mércores 15 celebramos no cole o días das letras galegas.

Este ano está adicado á figura de Antonio Fraguas Fraguas. Pola mañá o alumnado estivo disfrutando das distintas exposicións que se fixeron nas clases sobre a figura homenaxeada.

Ademais tivemos a visita dunhas avoas que nos falaron das antigas romerías que se facían no Castro.

Xa a mediodía disfrutamos dun xantar de convivencia no que comimos todas xuntas, alumnado, profesorado e comunidade educativa, como de costume.

Como colofón deste día tan especial disfrutamos de diversas actuacións de tradición galega.

Aquí vos deixamos varias imaxes e videos do día.
Pincha no ENLACE para ver as fotos.

Como ben dixo Antonio Fraguas "Ser galeguista non é mais que ser amante da nosa terra"

Esta actividade está organizada polo Equipo de Dinamización da Lingua Galega.

23 DE ABRIL, DÍA DO LIBRO

O martes 23 de abril tivemos a sorte de contar con Héctor Cajaraville no cole para falarnos do seu libro "Kusuma", unha fermosa historia que ten encantado ao alumnado de 4º e 5º curso de Primaria.

O mércores 24 pola tarde fixemos a actividade "Madriñas e padriños lectores" que consiste en formar parellas co alumnado de todo o cole para que os maiores lle lean contos aos mais pequenos. Unha actividade que facemos por segunda vez e que resulta moi motivadora.

Neste ENLACE tendes todas as fotos e videos das dúas xornadas.

"Cando unha avoa, ou unha nai, ou un pai contan un conto aos seus netos, ou aos seus fillos, están a realizar un acto de amor. Un acto de amor cara ao pequeno, pois lle están descubrindo o universo da ficción literaria. Están a construír un fermoso vínculo co neno ou a nena, e estanlle capacitando, sen sabelo e sen pretendelo, para que se faga unha persoa competente no ámbito da lectura. Están a espertar nel a imaxinación, a capacidade de escoita e a de espera, o gusto polas palabras e o amor aos libros".

"La importancia de leer en casa" de Antonio Ventura.

Manualidades de Pascua

Para Pascua o alumnado fixo estas manualidades tan chulas na clase de Relixión. Fixéronnas alumnado de infantil e primaria.

EXCURSIÓN A PONTEVEDRA. 1º,2º,3º E 4º CURSO

O mércores 3 de abril 1º,2º,3º e 4º curso foron visitar O Salón do Libro de Pontevedra. Viron unha obra de teatro, visitaron o casco vello de Pontevedra, disfrutaron na Illa das esculturas e tiveron unha visita guiada a través do espazo dedicado á literatura no Pazo de Cultura elaborado por distintos centros educativos.

Pincha para ver máis FOTOS

SAÍMOS NA RADIO GALEGA E NA TVG

Durante o segundo trimestre do curso 2018-2019 estivemos moi presentes nos medios de comunicación para darlle publicidade ós proxectos que se desenvolven no centro.
 Aquí vos deixamos a intervención na Radio Galega no programa A Tarde na que falamos sobre o proxecto de formación permanente do profesorado "Patios Inclusivos" e a visita que nos fixo o programa A Revista da TVG para falar sobre Voz Natura e Meteoescolas.

A tarde da Radio Galega (a partir do minuto 48 en adiante)

A Revista. TVG (minuto 5, minuto 20 e minuto 46 en adiante)

RESUMO DE ACTIVIDADES. 2º TRIMESTRE

Este trimestre fixemos moitas cousas: día da paz, proxecto dos médicos, os esquimós, Meteoescolas, Voz Natura, Día da muller e a nena na ciencia, día da muller, Entroido, enterro da sardiña e moitas outras que podedes ver no video resumo deste trimestre. Disfrutadeo!!

EXPOSICIÓN MULLERES GALEGAS NA CIENCIA

Dende o xoves 7 de marzo ata o venres 29 do mesmo mes toda a comunidade educativa do CEIP Santa María do Castro terá a oportunidade de disfrutar dunha exposición de mulleres importantes en Galicia galardonadas co premio "MARÍA JOSEFA WONENBURGER PLANELLS". Esta exposición foi cedida pola Secretaría de Igualdade da Xunta de Galicia.
En horario escolar poderase visitar esta exposición na entrada do cole.
Luns e mércores: de 9:00 a 13:30h e de 16:00 a 17:15h
Martes e xoves: de 9:00 a 13:30h e de 16:00 a 18:00h
Aquí vos deixamos un pequeno video dos distintos paneis.
MULLERES NA CIENCIA
Vinde a vela!!

ENTROIDO 2019

A temática de este ano eran "Os deportes, xogos e videoxogos". Asi de ben o pasamos facendo as fotos no photocall e no desfile.
Pincha en ENTROIDO para ver todas as fotos.

LIMPEZA DA PRAIA DE CARRAGUEIROS. 1º e 2º CURSO.

O martes 26 de febreiro o alumnado de 1º e 2º curso fixo unha saída á praia de Carragueiros para recoller lixo e comprobar toda a basura que hai nas praias e a importancia de manter limpo o entorno que nos rodea. Esta actividade enmárcase dentro do proxecto levado a cabo na aula de primeiro "Patrulla Planeta" e o proxecto de segundo curso "Os insectos".

11F. DÍA INTERNACIONAL DA MULLER E A NENA NA CIENCIA

Este mes de febreiro celebramos no cole o día internacional da muller e a nena na ciencia para reflexionar sobre a escasa presencia das mulleres nas carreiras científicas e coñecer de primeira o traballo dunha científica no seu día a día.
Tivemos o gusto de charlar con Andrea López da Univerdade de Santiago de Compostela e con Julia Ameneiro da Universidade de Vigo. Faláronnos da vida e obra de científicas importantes e das consecuencias económicas producidas polo cambio climático.

RECORDANDO AO CASTELAO, ILUSTRADOR.

O alumnado de 2 curso estiveron traballando a figura de Castelao como ilustrador como celebración do día da ilustración que se ven celebrando todos os anos o 30 de xaneiro. A partir de agora forman parte da decoracións as escaleiras do centro.
Velaquí vos quedan unhas viñetas representativas e personalizadas do alumnado de 2º curso. Son uns/unhas artistas!!

Esta actividade enmárcase dentro das actividades organizadas polo Equipo de Dinamización da Lingua Galega do centro, dentro do proxecto presentado para a Xunta de Galicia.