CEIP Santa María do Castro

BENVID@S!!

Dámosvos a benvida á nova canle de comunicación que temos dende o CEIP Santa María do Castro. Aquí iranse publicando periódicamente as actividades que se leven a cabo no cole ou traballos que fagan as rapazas e rapaces..

UN BLOG FAISE COS TEUS COMENTARIOS!

Así que aquí esperamos que comentedes moitas das entradas, e que se botades algo de menos non teñades ningún reparo en propoñelo. Un saúdo!

RESUMO DE ACTIVIDADES. 2º TRIMESTRE

Este trimestre fixemos moitas cousas: día da paz, proxecto dos médicos, os esquimós, Meteoescolas, Voz Natura, Día da muller e a nena na ciencia, día da muller, Entroido, enterro da sardiña e moitas outras que podedes ver no video resumo deste trimestre. Disfrutadeo!!

EXPOSICIÓN MULLERES GALEGAS NA CIENCIA

Dende o xoves 7 de marzo ata o venres 29 do mesmo mes toda a comunidade educativa do CEIP Santa María do Castro terá a oportunidade de disfrutar dunha exposición de mulleres importantes en Galicia galardonadas co premio "MARÍA JOSEFA WONENBURGER PLANELLS". Esta exposición foi cedida pola Secretaría de Igualdade da Xunta de Galicia.
En horario escolar poderase visitar esta exposición na entrada do cole.
Luns e mércores: de 9:00 a 13:30h e de 16:00 a 17:15h
Martes e xoves: de 9:00 a 13:30h e de 16:00 a 18:00h
Aquí vos deixamos un pequeno video dos distintos paneis.
MULLERES NA CIENCIA
Vinde a vela!!

ENTROIDO 2019

A temática de este ano eran "Os deportes, xogos e videoxogos". Asi de ben o pasamos facendo as fotos no photocall e no desfile.
Pincha en ENTROIDO para ver todas as fotos.

LIMPEZA DA PRAIA DE CARRAGUEIROS. 1º e 2º CURSO.

O martes 26 de febreiro o alumnado de 1º e 2º curso fixo unha saída á praia de Carragueiros para recoller lixo e comprobar toda a basura que hai nas praias e a importancia de manter limpo o entorno que nos rodea. Esta actividade enmárcase dentro do proxecto levado a cabo na aula de primeiro "Patrulla Planeta" e o proxecto de segundo curso "Os insectos".

11F. DÍA INTERNACIONAL DA MULLER E A NENA NA CIENCIA

Este mes de febreiro celebramos no cole o día internacional da muller e a nena na ciencia para reflexionar sobre a escasa presencia das mulleres nas carreiras científicas e coñecer de primeira o traballo dunha científica no seu día a día.
Tivemos o gusto de charlar con Andrea López da Univerdade de Santiago de Compostela e con Julia Ameneiro da Universidade de Vigo. Faláronnos da vida e obra de científicas importantes e das consecuencias económicas producidas polo cambio climático.

RECORDANDO AO CASTELAO, ILUSTRADOR.

O alumnado de 2 curso estiveron traballando a figura de Castelao como ilustrador como celebración do día da ilustración que se ven celebrando todos os anos o 30 de xaneiro. A partir de agora forman parte da decoracións as escaleiras do centro.
Velaquí vos quedan unhas viñetas representativas e personalizadas do alumnado de 2º curso. Son uns/unhas artistas!!

Esta actividade enmárcase dentro das actividades organizadas polo Equipo de Dinamización da Lingua Galega do centro, dentro do proxecto presentado para a Xunta de Galicia.

NOTICIAS DO CENTRO NOS MEDIOS DE COMUNICACIÓN

Recentemente saímos na prensa e na radio explicando os proxectos que se levan a cabo no centro durante este curso 2018-2019.
Aquí vos deixamos os enlaces para que lle botedes un vistazo.

Voz de Galicia. Barbanza

Programa A tarde na Radio galega. (a partir do minuto 48)

MATRICULA O TEU NENO/A NO CENTRO. PRAZA DO 1 AO 20 DE MARZO

Do 1 ao 20 de marzo é o prazo para matricular ao novo alumnado para o curso seguinte.
Ánimate e matricula o teu neno/a no cole concertando unha visita ao centro. Aquí tes información necesaria para a tomar esa decisión.

METEOESCOLAS: 4 ANOS

O alumnado de 4 anos estivo experimentando na clase traballando ,entre outras cousas, o vento.
Dentro do proxecto desenvolvidos en infantil "Os Esquimós" comezaron facendo "vento quente e vento frío" soprando sobre as súas mans para quentalas e despois enfrialas.
Máis tarde contáronlle un conto sobre unha embarcación que sufría os efectos dunha tormenta en alta mar e xogaron a mover un barquiño de xoguete na auga: primeiro simplemente soplando e despois con palliñas. Logo xogaron a provocar ondas soplando dentro da auga.
Por último observaron os cambios de estado da auga relacionándoos co ciclo da auga e ca aparición de distintos fenómenos atmosféricos.

PROXECTO METEOESCOLAS. ENGLISH

O alumnado de 6º curso, coa axuda da teacher Natalia, fixeron un fermoso video cantando a canción "Singing in the rain" como actividade dentro do proxecto de Meteoescolas que levamos a cabo por segundo ano consecutivo no cole. Traballaron todo o vocabulario relacionado cos fenómenos atmosféricos en inglés e cantaron e bailaron así de ben esta canción. Congratulations for your work!!

FESTIVAL NADAL 2018

Aquí tendes unha pequena mostra do talento que hai no cole de Cabo. Quedou un festival moi musical. Grazas a todas as persoas que o fixeron posible, especialmente ao profe Javi de Música, a Apa Loureda, Centro Social de Cabo de Cruz, Protección Civíl...e un largo etcétera.

Vémonos á volta das vacacións de Nadal. A disfrutalas!!!

Aquí tendes algunhas das FOTOS das actuacións.

MANUALIDADES NAVIDEÑAS EN RELIXIÓN

Mirade que manualidades tan chulas fixeron en Relixión coa profe Reyes.

PRENSA

Este trimestre saimos varias veces na prensa. Botádelle un ollo!!

Andaina Solidaria
http://www.canalbarbanza.com/WCBar/archivos/32057
Ecomar e limpeza de praias
http://www.canalbarbanza.com/WCBar/archivos/31164
El Correo Gallego (proxectos do centro)
https://www.elcorreogallego.es/area-de-compostela/ecg/escolares-boiro-xogan-ca-meteoroloxia-agricultura/idEdicion-2018-12-06/idNoticia-1152521/
La Voz de Galicia (proxectos do centro)
https://www.lavozdegalicia.es/noticia/barbanza/boiro/2018/12/12/colexio-cabo-afondara-na-educacion-meteoroloxica-ambiental-traves-dous-proxectos/00031544616677811401171.htm

RESUMO TRIMESTRAL

Este trimestre fixemos un montón de actividades moi variadas: teatro, Magosto, Samaín, obradoiro de cociña, charlas de reciclaxe, xornadas deportivas, campo a través, montaxe de hortos escolares, medicións na estación meteorolóxica, plantación de cultivos de horta, semana da ciencia, día internacional contra a violencia de xénero, visita de Amicos, etc. Xa sabemos que é moi difícil condensar todo nun video pero intentámolo. Aí vai!!

CALENDARIO ESCOLAR. CURSO 2018-2019

Aquí tendes o calendario do próximo curso escolar que está a piques de comezar.
As clases comezarán o mércores 12 de setembro.

http://www.edu.xunta.gal/portal/calendarioescolar

FESTA FIN DE CURSO. APA LOUREDA

O curso chega ao seu remate pero non podemos marchar sen a festa de fin de curso.
Tivemos teatro "Pequeno Cabaret", merenda grazas a Apa Loureda e por suposto a esperada FESTA DA ESPUMA!!!

Que ben o pasamos!! A DISFRUTAR DO VERÁN!! VÉMONOS Á VOLTA!!

AQUI podedes ver todas as fotos e videos da xornada.
Grazas a APA Loureda e toda a comunidade educativa do centro polo apoio.

DÍA DE DESPEDIDAS

Foi un día de despedidas. Profes que marchan, a directiva da APA que se despide e alumnas que marchan. Estamos algo tristes pero convencidas de que nos lembraremos sempre do paso destas persoas polo cole de Cabo. Ata sempre. Vinde a visitarnos cando queirades.

TEATRO DE 2º CURSO

Hoxe na biblioteca do cole o alumnado de 2º de primaria representou unha obra de teatro baseada na vida dos romanos e baixo o título de "O achado do castro". Unha obra moi divertida que nos fixo pasar a todos un bo rato.