Como broche de apertura da nosa biblioteca este curso, o primeiro que fixemos foi presentarlle aos nenos e nenas a mascota da biblioteca; un papagaio moi especial 🐦.
Soamente tivemos un problema... que non sabíamos como se chamaba! Xa que non lembraba o seu propio nome! Contámoslle ao nenos e nenas a súa historia, e pedímoslle que nos axudasen a buscar un nome para o pobre papagaio, xa que sen nome será un pouco complicado dirixirse a el.
Entre todos os cursos do noso cole propuxemos diferentes nomes, e a través dunha votación elexímoslle nome! A nosa mascota chámase... ARCOIRIS!!! Que nome máis bonito! 😍🌈
Entre todos e todas coloreamos e colocamos as plumas que conforman o seu corpo, contando así co noso papagaio como decoración da biblioteca 🐦🐦
Colocamos tamén un buzón de suxerencias para que todos e todas poidamos aportar ideas con respecto á nosa biblioteca.
Ningún comentario:
Publicar un comentario