PROXECTO E-DIXGAL

Este curso o alumnado de 5º de primaria vai dispor de portátiles para traballar tanto no centro como na casa contidos dixitais.
Estamos organizando todo para que sexa a mellor experiencia de todas.
Aquí vos deixamos un video explicativo. Seguiremos informando.

23 DE ABRIL, DÍA DO LIBRO

O martes 23 de abril tivemos a sorte de contar con Héctor Cajaraville no cole para falarnos do seu libro "Kusuma", unha fermosa historia que ten encantado ao alumnado de 4º e 5º curso de Primaria.

O mércores 24 pola tarde fixemos a actividade "Madriñas e padriños lectores" que consiste en formar parellas co alumnado de todo o cole para que os maiores lle lean contos aos mais pequenos. Unha actividade que facemos por segunda vez e que resulta moi motivadora.

Neste ENLACE tendes todas as fotos e videos das dúas xornadas.

"Cando unha avoa, ou unha nai, ou un pai contan un conto aos seus netos, ou aos seus fillos, están a realizar un acto de amor. Un acto de amor cara ao pequeno, pois lle están descubrindo o universo da ficción literaria. Están a construír un fermoso vínculo co neno ou a nena, e estanlle capacitando, sen sabelo e sen pretendelo, para que se faga unha persoa competente no ámbito da lectura. Están a espertar nel a imaxinación, a capacidade de escoita e a de espera, o gusto polas palabras e o amor aos libros".

"La importancia de leer en casa" de Antonio Ventura.

SEMANA DA MULLER E A NENA NA CIENCIA

O luns 5 e o mércores 7 de febreiro veunos visistar unha astrofísica chamada Isa Rebollido que nos falou do seu traballo observando planetas, estrelas e outros elementos e da historia da astronomía a través de mulleres importantes no tema. Foi moi interesante!! Moitas gracias Isa.
O luns foi o turno de 1º,2º e 3º curso.

 

O mércores 7, foi o turno de 4º,5º e 6º. Nesta ocasión explicoulles cal era o motivo de celebración do Día da muller e a nena na ciencia e explicou o mundo da astronomía a través dos ollos de mulleres importantes nesta materia.

 

 

Primeros auxilios

O alumnado de quinto e sexto de primaria do cole asistiron durante o mes de outubro a unhas sesións de primeiros auxilios na materia de educación física coa colaboración dun técnico da Cruz Vermella de Boiro. Aos seus 10 e 11 anos, estes nenos xa saben que ante una emerxencia o primeiro que deben facer é poñer en práctica o PAS (Protexer, Avisar e Socorrer).

Ademais de coñecer o protocolo dun servizo de emerxencia, e como actuar ante cortes, caídas ou feridas, tamén practicaron a colocación dun ferido en Posición lateral de seguridade, así como de que xeito actuar ante un atragoamento ou a manobra de RCP cuns bonecos de prácticas.

Ante todo, este alumando aprendeu a necesidade de alertar ao 112 dando a máxima información posible, e o importante que é manter a calma nunha situación de emerxencia, para poder tomar as decisións correctas neste tipo de situación, e poder dirixir en que facer a algunha outra persoa que non saiba.

Os primeiros auxilios salvan vidas.

VISITA DA ESCRITORA LEDICIA COSTAS

Este mércores 26 veu a visitarnos a escritora Ledicia Costas que nos falou do seu libro "Escarlatina, a cociñeira defunta". O alumnado de 4º, 5º e 6º curso fixeronlle moitas preguntas e pasaron un rato divertido.

ENOCIONÁNDONOS

O alumnado de 5º curso indagou sobre o seu interior, as súas cualidades personais, e crearon un planeta imaxinario e dentro eses aspectos positivos da personalidade de cada quen.

Pensaron tamén nas dificultades, nos medos que obstaculizan a nosa felicidade (as pedras no nosos camiño).

A parte de todo isto, e con continuidade ao longo do curso, fóronse levando unhas sesións de titoría, nas que se realizaba principalmente a actividade das "PELUSAS QUENTES", que consistía en Sentarse en círculo, e ir verbalizando aspectos positivos da nena ou neno que ese día ía recibir esas palabras cálidas, esas “apertas” sinceras e honestas axudándolle a mellorar a súa autoestima.

Ademais, de xeito puntual, fóronse levando a cabo lecturas dalgúns contos que axudaban a traballar as emocións que mais precisaba a clase nese momento, algúns dos contos traballados foron "Eu primeiro!", " A galiña azul", "Historia dos bonobos con gafas", entre outros.

XORNADAS DEPORTIVAS

Este luns recibimos no cole de Cabo ao alumnado e profesorado do CPR La Milagrosa para levar a cabo unha das xornadas deportivas intercentros que este curso escolar estamos desenvolvendo dende a área de educación física, coma sempre intentando promover a práctica de actividade deportivas na idade escolar.

PASCUA

O alumnado de relixión realizou nas clases desta materias, unhas bonitas caixas de Pascua con sorpresa.
Mirade que chulas quedaron!

CAMPIONATO DE INDIACA

Esta semana na clase de 5º estivemos levando a cabo un campionato de indiaca, despois de estar varias clases aprendendo a xogala e as regras do deporte.

Noraboa Hugo, desfruta do teu trofeo!

DÍA DE ROSALÍA DE CASTRO: 24 DE FEBREIRO

   Rosalía inspírase no noso entorno galego: o agro e o mar.

Os elementos naturais destes recollémolos e escribimos palabras, versos e algunha estrofa da obra desta nosa poeta a que tanto lle debemos.

Grazas Rosalía!