RADIO VALIÑO

 Como agasallo para disfrutar nas vacacións de Semana Santa, tendes novos episodios moi interesantes en #RadioValiño #radionabiblio

ESCOITA AQUÍ!

DÍA DO TEATRO

 O alumnado de 5º e 6º de primaria representaron varios contos de Esopo para todo o cole.

LOITA CONTRA O ACOSO NA ESCOLA

 Hoxe con Alba de Exeria Proxecto comenzamos a preparar os carteis para facer unha actividade dirixida a loitar contra o acoso na escola. Xunt@s podemos.

DÍA DA NARRACIÓN ORAL

O alumnado de 1º e 2º de primaria elaboraron unha estupenda fábula "O lobo e o cormorán" que representaron para todo o cole. Unha fábula cunha mensaxe clara de coidado do medio ambiente e cunha moralexa moi concreta "Para non enfermar, a natureza hai que coidar". Un boa mensaxe!!

ROTEIRO POLA CONTORNA COA CRUZ VERMELLA

 Dentro do proxecto interxeracional organizado pola Cruz Vermella e o Concello de Boiro, hoxe o alumnado de 5° e 6° fixemos unha das actividades previstas, o roteiro pola contorna.

Persoal do Concello, usuarios da Cruz Vermella e un exmestre acompañáronnos a distintos lugares da parroquia explicándonos como eran eses sitios, usos e a transformación que sufriron ao longo dos anos.

Pasámolo xenial e ata tivemos tempo de pasear pola praia. Grazas a todas e todos.

SEMENTA VIDA, SEMENTA FUTURO

 O proxecto Sementa vida, sementa futuro chegou ao noso cole para plantar árbores autóctonas na contorna do campo de fútbol de Valiño.

Gracias a todas as persoas implicadas

Concello de Boiro

García Sánchez

Emilio Saborido Fernandez

A mellor forma de rematar esta xornada foi cunha gran chocolatada no cole, Que rico que estaba!!

DÍA DA POESÍA

 Co gallo da conmemoración do #díadapoesía o alumnado de 3º e 4º de primaria elaborou uns poemas temáticos sobre as árbores moi bonitos.

VISITA DA FACULTADE DE ÓPTICA E OPTOMETRÍA

 Esta mañá o alumnado da Facultade Óptica e Optometría veu ó cole para facerlle unhas probas ó alumnado de 3º e 4º de primaria para detectar posibles problemas visuais. O alumnado levará un informe cos resultados obtidos.

ACTIVIDADE CON MARTA RÍOS

 Saúdos internacionais, representacións corporais,.... Con Marta Ríos Cortés sempre o pasamos xenial! Moitas gracias pola túa visita ,vémonos en abril!

#proxectoenclave para o alumnado de 4º EP e 6º EI Concello de Boiro

CLUB DE TEATRO

 No club de lectura de teatro adaptamos a obra "Animaladas" á temática do noso PDI e repartimos os papeis para poder representala. Que comece a función!

RADIO VALIÑO

 Temos episodio novo en #RadioValiño. Nesta ocasión a entrevista a Laura Pérez elaborada polo alumnado de 6º. Contou un montón de cousas. Escoitádea!!

ESCÓITAA AQUÍ!

NAVEGA CON RUMBO

 Esta mañá o alumnado de 5º e 6º de primaria recibimos a Manuel Rodríguez Salgado, do proxecto "Navega con rumbo", que veu a falarnos sobre o bo uso das tecnoloxías, internet, redes sociais e os seus perigos, un aspecto especialmente importante hoxe en día e moi de actualidade.

CONMEMORAMOS O 8M

 Conmemorando o #8M tivemos a visita de Laura Pérez, técnica forestal, ilustradora e traballadora da Librería Nobel de Boiro. Cas distintas clases plantaron uns xirasois, leron uns libros, regalounos unhas ilustracións súas e desde o cole regalámoslle unha pranta e unha libreta do cole. Unha experiencia inspiradora e moi valiosa. Gracias por todo.

TRABALLAMOS CON EXERIA

 En 4º curso, Alba Exeria Proxecto falounos de que coñecer as nosas emocións axúdanos a que a nosa vida sexa máis sinxela .Hoxe seguimos analizando que emocións sentimos no cole en diferentes momentos e situacións.

En 5º curso seguiron traballando a resolución de conflitos coa axuda dos monicreques. A próxima sesión será con terceiro curso.

Gracias por todo, Alba!!

CLUB DE CÓMIC

 Nesta última reunión do club fixemos un intercambio de cómics, así que cada participante levou para casa una nova historia para descubrir. Pero iso non foi todo, tamén sacamos o noso lado máis artístico. Cada un/unha fixo un debuxo cunha dedicatoria especial para outro/a compañeiro/a, creando pequenas obras cheas de humor e moita creatividade.

Foi un momento moi divertido no que os cómics e a amizade foron os verdadeiros protagonistas.

Na próxima reunión... continuaremos a aventura!

RADIO VALIÑO

 Novos e fantásticos episodios sobre o obradoiro de cociña infantil. Non volos perdades!!!

ESCOITAR AQUÍ

ENCONTRO PLAMBE

 A coordinadora de biblioteca do cole está presente en Santiago no Encontro #PLAMBE (plan de mellora de bibliotecas) para todos os centros educativos galegos que forman parte desta rede.

FALAMOS DE IGUALDADE COA CRUZ VERMELLA

 Sesión do alumnado de 3ºEP coa Cruz Roja en Boiro dentro da iniciativa #ludieduca. Para celebrar a semana do #8M falamos de conceptos tan interesantes como a igualdade, o feminismo ou os estereotipos de xénero e reflexionamos sobre os xoguetes ou as profesións. Será verdade iso de que aos nenos só lles gusta o fútbol e a cor azul e as nenas as bonecas e a cor rosa?