ÚLTIMO DÍA DAS SEMANA CULTURAL: VISITA A APÍPOLIS

Día completo o de hoxe: exposicións temáticas, degustación de mel, elaboración de galletas de mel, a vida dos apicultores, elaboración de velas e moitas cousas máis. Levamos regaliños para casa e recordos dun día increíble. Menuda excursión!!! Gracias Apípolis!

CUARTO DÍA DA SEMANA CULTURAL

 Día de exposicións de todo o aprendido nestas semanas.

Primeiro curso contou a vida do lobo, segundo falou sobre o cormorán moñudo, terceiro as lendas a moura e a coca , cuarto o nubeiro e a meiga (fixeron unhas bolsas personalizadas co ser mitolóxico favorito),quinto historia da xesta e do polbo e preguntas ó público para ver de estivo atento e sexto pequenas obras de teatro: as maravillas do dente de León e can de palleiro só lle falta falar ou non.

Un gran traballo!!!

Despois do recreo tivemos o conto de Iseo a moura. Contounos a historia de Flora e seu pai Berto na fraga da Raposeira e o incendio no Monte do Galo e a importancia de coidar a biodiversidade da nosa terra galega. Foi máxico!!

Menudo remate de semana cultural nos falta. Mañá excursión a Apípolis !!!

TERCEIRO DÍA DA SEMANA CULTURAL!

 Terceiro día da semana cultural: beebots, mandalas, mentireiro verdadeiro, película, scape room e xogos temáticos entre outras moitas cousas. Mañá turno de exposicións sobre as letras galegas e algunha actuación sorpresa.

SEGUNDO DÍA DA SEMANA CULTURAL!

 Segundo día da semana cultural: película temática, creación de follas con lápices 3D, obradoiro de cianotipia (pintura con cúrcuma), creación de chapas ou elaboración de bonitas bolboretas. Mañá máis e mellor!!!

PRIMEIRO DÍA DA SEMANA CULTURAL

 Hoxe luns 11 comezou a XVIII Semana Cultural do Cole de Cabo, unha longa semana de actividades culturais: inauguración, estampación con Ambar , creación de mandalas temáticas, chapas, beebots, xantar de convivencia, teatro e actuacións musicais pola tarde. Día completiño.

OLLA AQUÍ UN RESUMO!

XVIII SEMANA CULTURAL

Vai comezar a XVIII Semana Cultural de 2025-2026!

Aquí tendes o tríptico explicativo no que se resumen as diferentes actividades que imos a levar a cabo.

XII SEMANA CULTURAL

 Este curso, ao igual que todos os anos, celebramos a SEMANA CULTURAL,  que tivo lugar do día 18 ao 21 de maio. 

Como o seu nome indica, esta semana é unha semana cargada de "cultura", de actividades varias, e onde a lingua  galega ten un papel protagonista. 

Este curso, levamos a cabo esta actividade tendo en conta as medidas de seguridade necesarias, sen esquecernos da seguridade de alumnos e mestres, pero sen que iso nos impedise desfrutar da riqueza deste evento. 

A continuación presentámosvos e describimos as diferentes actividades que levamos a cabo: 

-INAUGURACIÓN DA SEMANA CULTURAL: levamos a cabo a inauguración da semana cultural, con un acto inicial, no que todos/as escoitamos as palabras da nosa directora, Lucía, Luísa, como coordinadora do Equipo de Dinamización da Lingua Galega, e no que nos acompañou tamén un membro do concello e unha intengrante da APA. 

-ARREDOR DE XELA: Nas diferentes titorías  levouse a cabo un traballo de investigación sobre Xela Arias, atendendo aos diferentes  niveis. 

Tamén se levou a cabo co alumnado de educación primaria un PASAPALABRA, elaborado polo Equipo de Dinamización da Lingua Galega. 

-DIFERENTES VÍDEOS SOBRE O CAMIÑO DE SANTIAGO, que proxectamos ao alumnado.

-CAMIÑO DE POESÍA: nas diferentes titorías, cada alumo/a elaborou unha estrela, na cal se recollen poesías sobre o Camiño de Santiago (proxecto que estamos traballando a nivel de centro). O resultado foi unha vía láctea de estrelas, que decora o noso centro. 

-OBRADOIRO DE CHAPAS: Todo o alumnado participou no obradoiro de chapas, inspiradas no Camño de Santiago, nas Letra Galegas e en Xela Arias. 

-OBRADOIRO DE ARTE INFANTIL: o alumnado de educación infantil levou a cabo un obradoiro de arte, pintando sobre film. 

-SABOR A CAMIÑO:  tamén plantamos nos nosos hortos. Plantamos cenorias, tomates, leitugas e pementos de padrón. 

-MÚSICA NO CAMIÑO: a música tamén ten un papel importante na nosa semana cultural, e é o eixo de varias actividades. 

Así, todos xuntos no patio, cantamos o romance de don Gaiferos e a canción "Eu quero soñar",  que ensaiamos previamente co profe Javi. 

Tamén escoitamos e bailamos música en galego, e visualizamos ao longo da mañá nas aulas o vídeo que compartiron connosco unhas pandereiteiras. 

-CONTACONTOS: o alumnado de 6º de educación primaria contoulle contos ao alumnado dos diferentes niveis.

-CHARLA "CAMIÑANDO POLAS NOSAS ORIXES". A Asociación de Amigos do Camiño acudiu ao nos cole, a impartir unha acharla, axeitada a cada nivel educativo. 

O alumnado de infantil pintou unha frecha amarela do camiño diante do noso cole, xa que por alí pasa unha ruta do Camiño de Santiago, "A orixe". 

://www.facebook.com/100023022908785/videos/934971627280259/

-KAHOOT: o alumnado dos diferentes niveis realizou kahoots na aula de informática, axeitados a cada idade, O alumnado de 6º de primaria levou a cabo tamén un "Kahoot intercentros", co alumnado de outro centro da zona. 

-PHOTOCALL: o alumnado puido sacar fotos no photocall elaborado polos mestres/as, para gardar un bo recordo desta semana e do noso traballo sobre o Camiño de Santiago. 

-"ARREDOR DE XELA", actuación de Raquel Queizás. 

-XINCANA DAS LETRAS. Levamos a cabo unha divertida xincana de actividades no noso patio, formada por actividades diversas, nas que desfrutamos moito. 

-CAMIÑOS NO TEMPO. O alumnado de primaria levou a cabo un taller de pintura, sobre os petróglifos que se atopan no Camiño de Santiago. Para isto, nun primeiro lugar, explicóuselle o que son os petróglifos. 

Empregando paos, fixeron unha representación mental destes, para logo, pasar a pintalos en papel contiuo, empregando ceras brandas. Tamén fixemos "petrógliflos inclusivos", en cadeira de rodas, con bastóns...

-XOGO DA OCA: as diferentes aulas tamén desfrutaron xogando ao coñecido "Xogo da oca", que representa o paso polo Camiño de Santiago. 

 

-DESPEDIDA DA SEMANA CULTURAL. 

Pechamos a semana cultural, facendo un balance do vivido.