BIBLIOTECA ESCOLAR. CEIP PLURILINGÜE SANTA MARIA DO CASTRO. CABO DE CRUZ. BOIRO.
Xornada de Festival no Centro social de Cabo. Todo un espectàculo. Gracias a todo o alumnado, profesorado, afa, familias e sobre todo ao noso profe de música.
Ao longo da nosa SEMANA CULTURAL tamén afondamos na figura do escritor homenaxeado este ano: Fancisco Fernández del Riego.
Para iso, o alumnado levou a cabo diferentes actividades, das que vos deixamos un resumo:
-Cartel das Letras Galegas 2023: elaboramos un cartel de presentación, co nome do homenaxeado.
-Taller de caricaturas: o alumnado realizou caricaturas de Francisco Fernández del Riego. Encántanos o resultado!
.png)
-Traballamos a técnica plástica do puntillismo, empregando como base un debuxo coa cara do autor. Como desfrutamos!
-Coñecemos a del Riego a través dos inventos (en relación co PDI do centro, "Inventores, inventoras e inventos") e do teatro.
-Xogamos coa aplicación Kahoot!, tendo que dar resposta a preguntas relacionadas coas Letras Galegas 2023. Canto sabes sobre isto?
-Levamos a cabo un obradoiro de chapas sobre as letras galegas e a semana cultural, que decoramos ao noso gusto.
Hoxe celébrase o día da poesía, e que mellor que invitar ao cole a unha poetisa da nosa terra, como é ANXOS CASTRO PARADA.
A rapazada de cuarto, quinto e sexto, preparou, con moita ilusión, a súa visita.
O alumnado de sexto fixéronlle unha entrevista, o de cuarto agasallárona con poemas elaborados a partires doutros da autora, fusionando así poemas con outra escritora galega como foi Rosalía de Castro.
O fin de festa estivo a cargo do alumnado de quinto, que recitaron e lle puxeron música aos seus versos.
Grazas Anxos, por ser inspiración.
.jpeg)
Chegan un ano máis as xornadas de EspazoFamilias organizadas polos centros educativos de Boiro, e que este ano levan por título: A Mellora da Comunicación Familiar.
Anabel Mosquera conducirá durante tres xornadas un diálogo cos asistentes onde a voz das familias será a protagonista. Sodes vós os que compartades experiencias, intercambiedes erros e acertos ou expresedes as vosas dúbidas (como establecer límites, como axudar aos nosos nenos/as a manexar a frustración, adiccións, saúde mental,etc.)
Por outra banda introdúcese unha novidade que consideramos moi enriquecedora para a comunicación familiar e é que incluimos á rapazada como parte fundamental destas xornadas. Deste xeito, os días 22 de marzo, 12 de abril e 26 de abril programamos actividades paralelas, pero en torno ás mesmas temáticas, para todos os membros da unidade familiar:
Anabel Mosquera, pedagoga, formadora e experta en adiccións
Nais, pais, titores e adultos a cargo de menores
Xaime Bello (Proxecto Turbina)
Adolescentes a partir de 13 anos
Alba Pérez (Educadora Social)
Rapaces e rapazas de 8 a 12 anos
Para os máis pequenos(de 3 a 7 anos) haberá servizo de canguraxe que podedes reservar no seguinte enlace:
https://espazofamilias.org/reserva/
As demáis actividades non precisan de reserva.
Datas: 22 marzo, 12 e 26 abril
Hora: 18.00h-20.00h
Lugar: Centro Social de Boiro
Animámosvos a participar!!!
OBXECTIVOS DE DESENVOLVEMENTO SUSTENTABLE:
Co gallo da celebración do 8 de Marzo, tivemos un faladoiro na biblioteca. Viñeron 8 mulleres do obradoiro de memoria da Cruz Vermella. Como o noso proxecto anual de centro son os inventos faláronnos da televisión, amasadora, lavadora, radio, teléfono, ordenador, aspiradora, calefacción contra lareira e moitas historias.
O alumnado participou moi activamente facendo preguntas.
Foi toda unha experiencia! Gracias por vir!
O alumnado de todas as aulas plantou pensamentos na entrada do cole e inventou poemas para pegar nas estrelas da entrada na honra de Rosalía de Castro. Tamén leron as súas creacións a través da megafonía do cole para compartir con todo o centro.
Rosalía de Castro está moi viva no cole de Cabo.
